Previous FrameNext Frame

DYFI CEC Press Releases

The CEC of DYFI protests in the strongest possible words the victimization of Dalit research scholar Rohit Vemula in University of Hyderabad (UoH) that led to his suicide.

09.01.2017

പാമ്പാടി നെഹ്‌റു എഞ്ചിനീയറിംഗ് കോളേജിലെ വിദ്യാർത്ഥി ജിഷ്ണു ആത്മഹത്യ ചെയ്യാൻ ഇടയായ സംഭവം സംബന്ധിച്ച് വിശദമായ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണമെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു. കോപ്പിയടിച്ചു എന്ന പേരിൽ വിദ്യാർത്ഥിയെ അധ്യാപകരും മാനേജ്‌മെന്റും ചേർന്ന് മാനസികമായും ശാരീരികമായും പീഡിപ്പിക്കുകയായിരുന്നു. ഇതിനെതുടർന്നാണ് വിദ്യാർത്ഥി ആത്മഹത്യചെയ്തത്. കോളേജിലെ ഇടിമുറിയെ സംബന്ധിച്ചും അന്യായ ഫൈനുകളെ സംബന്ധിച്ചും മാനേജ്‌മെന്റിന്റെ വിദ്യാർത്ഥി വിരുദ്ധ നിലപാടുകൾക്കെതിരായും നിരവധി വാർത്തകൾ ഇപ്പോൾ പുറത്തുവന്നിട്ടുണ്ട്. ഇത് സംബന്ധിച്ചെല്ലാം അന്വേഷണം നടത്തണം. പല സ്വാശ്രയ കോളേജുകളും വട്ടിപ്പലിശക്കാരെയും ഗുണ്ടാസംഘങ്ങളെയും പോലെയാണ് പ്രവർത്തിക്കുന്നത്. ഇത്തരത്തിലുള്ള സ്ഥാപനങ്ങൾ വിദ്യാഭ്യാസ മേഖലയ്ക്ക് യാതൊരുവിധ സംഭാവനയും നൽകുന്നില്ല. വിദ്യാർത്ഥി വിരുദ്ധ നിലപാടുകളുമായി മുന്നോട്ടുപോകുന്ന മുഴുവൻ സ്വാശ്രയകോളേജുകളെയും നിലയ്ക്കുനിർത്തണമെന്നും സംസ്ഥാനസെക്രട്ടറിയേറ്റ് പ്രസ്താവനയിൽ പറഞ്ഞു.

09.1.2017

സാംസ്‌കാരികരംഗത്ത് പ്രവർത്തിക്കുന്നവർക്കെതിരായി ആർ.എസ്.എസ് -ബിജെപി നേതാക്കൾ നടത്തുന്ന പ്രസ്താവനകൾ അങ്ങേയറ്റം പ്രതിഷേധാർഹവും ജനാധിപത്യവിരുദ്ധവുമാണെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. നോട്ട് നിരോധനത്തിൽ ജനങ്ങൾ അനുഭവിച്ചുകൊണ്ടിരിക്കുന്ന ദുരിതം തുറന്നുപറഞ്ഞ എം.ടി.യെയും ദേശീയഗാനം സംബന്ധിച്ച് അഭിപ്രായം പറഞ്ഞ സംവിധായകൻ കമലിനെയും അധിക്ഷേപിക്കുകയാണ് ബിജെപി -ആർ.എസ്.എസ് നേതൃത്വം. കമലിനെ ഭീകരവാദിയാക്കാനും അദ്ദേഹത്തെ നാടുകടത്താനുമാണ് ബിജെപി ആഹ്വാനം ചെയ്യുന്നത്.

രാജ്യത്തിന്റെ സ്വാതന്ത്ര്യസമരത്തിന് യാതൊരുവിധ സംഭാവനയും നൽകാത്ത ആർ.എസ്.എസാണ് ഇന്ന് ദേശീയതയുടെ പേരുപറഞ്ഞ് അക്രമങ്ങൾ നടത്തുന്നത്. ബ്രിട്ടീഷ്‌കാർക്ക് മാപ്പെഴുതി കൊടുത്തതും ദേശീയ പതാകയെ അംഗീകരിക്കാത്തതുമെല്ലാം ആർ.എസ്.എസിന്റെ ഭാഗമാണ്. ഇത്തരക്കാർ ദേശീയത സംബന്ധിച്ച് വാചാലമാകുന്നത് രാഷ്ട്രീയ മുതലെടുപ്പ് നടത്താനാണ്. തങ്ങൾക്ക് ഇഷ്ടമില്ലാത്ത അഭിപ്രായം പറയുന്നവരെ ഇല്ലായ്മ ചെയ്യുന്ന സംഘപരിവാർ അജണ്ട കേരളത്തിൽ നടപ്പിലാക്കാൻ അനുവദിക്കില്ലെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.

06.01.2017

ചുവന്ന മുണ്ട് ഉടുത്ത് എന്ന കാരണത്താൽ സിനിമാപ്രവർത്തകരെ മർദ്ദിച്ച ആർ.എസ്.എസ് ക്രിമിനലുകളെ അടിയന്തിരമായി അറസ്റ്റു ചെയ്യണമെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു. കമ്യൂണിസ്റ്റുകാരെ കയറ്റാത്ത പ്രദേശത്ത് ചുവന്ന മുണ്ടുടുത്ത് ആരും വരേണ്ടെന്ന് പറഞ്ഞാണ് കാഞ്ഞങ്ങാടിനടുത്ത പറക്കാളിയിൽവെച്ച് ആർ.എസ്.എസ് ക്രിമിനലുകൾ സിനിമാപ്രവർത്തകർക്കുനേരെ അക്രമണം നടത്തിയത്. അക്രമത്തിൽ ഗുരുതരമായി പരിക്കേറ്റ തിരുവനന്തപുരം സ്വദേശിയെ കണ്ണൂർ എ.കെ.ജി ആശുപത്രിയിൽ പ്രവേശിപ്പിച്ചിരിക്കുകയാണ്. തങ്ങൾക്ക് സ്വാധീനമുള്ള മേഖലയിൽ ബിജെപിക്കാരല്ലാത്തവരെ അക്രമിക്കുന്ന നടപടി ഫാസിസ്റ്റ് മനോഭാവത്തിന്റെ ഭാഗമാണ്. ആർ.എസ്.എസ് നിലപാട് ജനാധിപത്യ സംവിധാനത്തിൽ അംഗീകരിക്കാനാകില്ല. ആർ.എസ്.എസ്-ബിജെപി അക്രമി സംഘത്തിനെതിരായി ശക്തമായ പ്രതിഷേധം ഉയർന്നുവരണമെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.

27.12.2016

ഇതുവരെ കാലാവധി നീട്ടിനല്‍കാത്ത പി.എസ്.സി റാങ്ക് ലിസ്റ്റുകളുടെ കാലാവധി നീട്ടിനൽകണമെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു. നിലവിലുള്ള പി.എസ്.സി റാങ്ക് ലിസ്റ്റുകളുടെ കാലവധി 2016 ഡിസംബർ 31 ഓടുകൂടി പൂർത്തിയാകുകയാണ്. ഒരു തവണപോലും നീട്ടിനൽകാത്ത റാങ്ക് ലിസ്റ്റുകളും ഇതിൽ ഉൾപ്പെടും. ആയതിനാൽ ഇതുവരെ കാലാവധി നീട്ടി നൽകാത്ത റാങ്ക് ലിസ്റ്റുകളുടെ കാലാവധി നീട്ടി നൽകി ഉദ്യോഗാർത്ഥികൾക്ക് നിയമനം നൽകണം. ഈ ആവശ്യം ഉന്നയിച്ച് ഡി.വൈ.എഫ്.ഐ മുഖ്യമന്ത്രിക്ക് നിവേധനവും നൽകി.

YUVADHARA