Previous FrameNext Frame
  • five-persons
  • fd
  • trees

11.07.2016

കാസർകോട്, പാലക്കാട് ജില്ലകളിൽനിന്നുൾപ്പെടെ സംസ്ഥാനത്തിന്റെ വിവിധ ഭാഗങ്ങളിൽ നിന്നായി കാണാതായവരെ സംബന്ധിച്ച് മാധ്യമങ്ങളിലൂടെ പുറത്തുവന്ന വാർത്തകൾ ആശങ്കാജനകമാണെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. ഇതുസംബന്ധിച്ച് ഗൗരവകരമായ അന്വേഷണം നടത്തണം. കാണാതായവർക്ക് ഭീകരസംഘടനകളുമായി ബന്ധമുണ്ടോയെന്ന് കേന്ദ്ര-സംസ്ഥാന ഏജൻസികൾ അന്വേഷിച്ച് വസ്തുതകൾ പുറത്തുകൊണ്ടുവരേണ്ടതാണ്. ഇക്കാര്യത്തിൽ ശക്തമായ നടപടികൾ സ്വീകരിക്കമെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.

27.06.2016

പ്രശസ്ത നാടകകൃത്ത് കാവാലം നാരായണപണിക്കരുടെ നിര്യാണത്തിൽ ഡി.വൈ.എഫ്.ഐ സംസ്ഥാന പ്രസിഡന്റ് എ.എൻ.ഷംസീറും സെക്രട്ടറി എം.സ്വരാജും അനുശോചനം രേഖപ്പെടുത്തി. മലയാള നാടകരംഗത്തിന് മികച്ച സംഭാവന നൽകിയ അദ്ദേഹം കവി, ഗാനരചയിതാവ്, സംഗീതജ്ഞൻ, നാടക ഗവേഷകൻ എന്നീ നിലകളിലെല്ലാം പ്രവർത്തിച്ചു. അദ്ദേഹത്തിന്റെ വിയോഗം നാടകരംഗത്തിന് തീരാനഷ്ടമാണെxന്നും ഇരുവരും അനുശോചനകുറിപ്പിൽ പറഞ്ഞു.

22.06.2016

ഡി.വൈ.എഫ്.ഐ സംസ്ഥാന പ്രസിഡന്റ് എ.എൻ.ഷംസീറിനുംകേന്ദ്രകമ്മിറ്റിയംഗം പി.പി.ദിവ്യയ്ക്കുമെതിരായുമുള്ള ആരോപണം അടിസ്ഥാനരഹിതവും കെട്ടിചമച്ചതുമാണെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. രാഷ്ട്രീയ മുതലെടുപ്പിനുവേണ്ടി കോൺഗ്രസ് തരംതാഴ്ന്ന നാടകം കളിക്കുകയാണ്. യഥാർത്ഥത്തിൽ ദളിത് പീഢനമല്ല അവിടെയുണ്ടായിട്ടുള്ളത് പ്രാദേശികമായ രാഷ്ട്രീയപ്രശ്‌നമാണ്. ഈ വിഷയം സംബന്ധിച്ച് ടെലിവിഷൻ ചാനൽചർച്ചയിൽ പങ്കെടുത്തതിന്റെ പേരിൽ ആത്മഹത്യാപ്രേരണ ആരോപിക്കുന്ന സംഭവം വിചിത്രവും കേരളത്തിൽ കേട്ടുകേൾവിയില്ലാത്തതുമാണ്. ഇത്തരത്തിലുള്ള കള്ളപരാതികൾ ഉയർത്തികൊണ്ട് നെറികെട്ട രാഷ്ട്രീയം കളിക്കുന്ന കോൺഗ്രസിന്റെ തരംതാഴ്ന്ന നാടകങ്ങൾ കേരളജനത തള്ളിക്കളയുമെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.

21.06.2016

കർണാടകയിലെ മലയാളി നഴ്‌സിംഗ് വിദ്യാർത്ഥിനിയെ റാഗ് ചെയ്ത സംഭവം ക്രൂരവും പ്രതിഷേധാർഹവുമാണെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. മലയാളി വിദ്യാർത്ഥികൾ തന്നെയാണ് ഇത്തരമൊരു പ്രവർത്തിക്കു നേതൃത്വം കൊടുത്തതെന്ന് മനസിലാക്കാൻ കഴിഞ്ഞത്. അന്യസംസ്ഥാനങ്ങളിൽ പഠിക്കുന്ന വിദ്യാർത്ഥികൾ റാഗിംങിന് ഇരയാകുന്നത് ഇത് ആദ്യത്തെ സംഭവമല്ല. റാഗിംങിന് നേതൃത്വം കൊടുത്തവർക്കെതിരെ കർശന നടപടി സ്വീകരിക്കുന്നതിനും ഇത്തരം സംഭവങ്ങൾ ആവർത്തിക്കാതിരിക്കാനും സംസ്ഥാന സർക്കാർ അടിയന്തിരമായി ഇടപെടണമെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു.