Previous FrameNext Frame
  • August 15
  • five-persons
  • fd

ഇങ്ക്വിലാബ് സിന്ദാബാദ്
ഡി.വൈ.എഫ്.ഐ സിന്ദാബാദ്
യുവസാഗരം സിന്ദാബാദ്

ജാതിവെറിയൻ സംഘികളെ
കണ്ടില്ലേ നിങ്ങൾ ഗുജറാത്തിൽ
ദളിതരുടേതൻ ശക്തിയിൽ
ഭരണംപോലും സ്തംഭിച്ചത്
ഓർത്തോ ഓർത്തോ സൂക്ഷിച്ചോ
ഭാരതമൊന്നായ് ഒറ്റക്കെട്ടായ്
നിങ്ങൾക്കെതിരെ അണിചേരുന്നു.
ഇതതിന്റെ തുടക്കംമാത്രം

ആറെസസ് മുരൾച്ചയിൽ
ഐ എസിന്റെ കത്തിയിൽ
പിടഞ്ഞിടുന്ന മക്കളിൽ
ഒടുങ്ങിടില്ല നാളെകൾ

കേരളത്തെ ഭ്രാന്തിലേ
ക്കെടുത്തെറിഞ്ഞ പരിഷകൾ
പൻസാരെയെ ധബോൽക്കറെ
കൽബുർഗിയെ വധിച്ചവർ

ദാദ്രിയിൽ അടിച്ചുകൊന്ന
സ്‌നേഹിതന്റെ ചോരയിൽ
നൂറുമക്കളായ് വിരിഞ്ഞു
ഭ്രാന്തിനെ ചെറുത്തിടും

ഭാരതത്തിൽ ഇഷ്ടമുള്ള
ഭക്ഷണം കഴിച്ചിടും
സംഘടിച്ചു ശക്തരായ്
അന്ധമായ ജാതിവേട്ട
കൂട്ടമായ് ചെറുത്തിടും .

******************

ഡി വൈ എഫ് ഐ യുവജനസാഗരം
പൊരുതും നാടിൻ ബഹുസ്വര ശബ്ദം

ഭാരതമെന്നാൽ ഭ്രാന്തൻമാരുടെ
പട്ടടയല്ലെന്നോർത്തോളൂ

കേരളമെന്നാൽ ചിന്തിക്കും
യുവരക്തം ചാർത്തിയ മണ്ണല്ലേ

അടർന്ന പൂവുകൾ ശബ്ദക്കുടയായ്
നാളേക്കായി വിരിഞ്ഞീടും

ദളിതരെ ദേശപ്പെരുമയിലേക്ക്
നട്ടെല്ലോടെ വളർത്തേണം

ഇരയാകില്ലൊരു നാളും
യൗവന വീറുണ്ടതിലൊരു ചങ്കുണ്ട്

മതനിരപേക്ഷ യുവത്വം ഞങ്ങൾ
ബഹുസ്വരതയ്ക്കു വിളക്കായ് ഞങ്ങൾ

ചിന്തയിൽ നിന്നും ചെങ്കടൽ പോലെ
കുതിച്ചെത്തുന്നൊരു തന്റേടം

*************************

വർഗ്ഗീയതയോട് വിടപറയുവാൻ
അണിനിരക്കുക യുവസാഗരത്തിനൊപ്പം

ജാതിമതങ്ങൾക്കതീതമായി
മാനവസ്‌നേഹം വിടരും നാട്
ഭഗത്സിംഗും ഗാന്ധിയും
സ്വപ്നം കണ്ടൊരു നാട്
അതാണ് അതാണ്
മതേതരത്വ ഭാരതം

ഇതെന്റെ പ്രിയ ഭൂമി,
ഇതെന്റെ ഭാരത ഭൂമി
ഇവിടെ വർഗ്ഗീയത വിതയ്ക്കാൻ
ഒരു കാട്ടാളനെയും അനുവദിക്കില്ല

നാനാത്വത്തിൽ ഏകത്വം താൻ
എന്നുടെ നാടിൻ പ്രിയ തത്വം
ഏകത്വത്തെ വിഭജിക്കാൻ
വരുന്നരേതൊരു ശക്തിയെയും
ചെറുത്തിടുമീ യുവശക്തി.

ഒത്തൊരുമിക്കുക സോദരന്മാരേ,
ഒത്തൊരുമിക്കുക സോദരിമാരേ
ഒറ്റെക്കെട്ടായ് ഒരുശക്തിയായ്
അണിനിരക്കാം യുവസാഗരത്തിൽ.

ഞങ്ങൾ വരുന്നു ഡി.വൈ.എഫ്.ഐ
വർഗ്ഗീയതയെ പിഴുതെറിയാൻ
ജാതി മതത്തിൻ പേരിൽ മർത്യനെ
ഭേദ വിചാരം ചെയ്യുന്നൊരാ ശക്തികളെ
ചെറുത്തുതോൽപിക്കാനായി

പിടിച്ചു വച്ചൊരു നാടിൻ മാനം
തിരിച്ചു വാങ്ങിയ വീരന്മാർ
ഗാന്ധി ഭഗതും ബോസാസാദും
എന്നിവരുടെ ശക്തിയുമായി
ഞങ്ങൾ വരുന്നു ഡി.വൈ.എഫ്.ഐ

ആർ.എസ്.എസിനും ഐസിനും
ഇല്ലായില്ല ഇടമില്ല
ഈ മതേതരമണ്ണിലിടമില്ല.

15.08.2016

‘വിടപറയുക വർഗ്ഗീയതയോട്, അണിനിരക്കുക മതനിരപേക്ഷതയ്‌ക്കൊപ്പം’ എന്ന മുദ്രാവാക്യമുയർത്തി ആഗസ്റ്റ് 15 സ്വാതന്ത്ര്യദിനത്തിൽ ഡി.വൈ.എഫ്.ഐ ജില്ലാകേന്ദ്രങ്ങളിൽ യുവസാഗരം സംഘടിപ്പിച്ചു. ആഗസ്റ്റ് 15ന് തിരുവനന്തപുരം ശംഖുംമുഖത്ത് നടന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. തൃശ്ശൂർ തേക്കുംകാട് മൈതാനത്തു നടന്ന പരിപാടി കോടിയേരി ബാലകൃഷ്ണനും, കോഴിക്കോട് നടന്ന പരിപാടി എം.എ.ബേബിയും, കണ്ണൂരിൽ വൃന്ദാകാരാട്ടും, കൊല്ലത്ത് വി.എസ്.അച്യുതാനന്ദനും ഉദ്ഘാടനം ചെയ്തു. ആലപ്പുഴ ഇ.എം.എസ് സ്റ്റേഡിയത്തിൽ നടന്ന പരിപാടി മന്ത്രി ജി.സുധാകരനും, എറണാകുളത്ത് മന്ത്രി ഇ.പി.ജയരാജനും, മലപ്പുറം കോട്ടക്കുന്നിൽ നടന്ന പരിപാടി മന്ത്രി കെ.ടി.ജലീലും, കാസർകോട് എം.വി.ഗോവിന്ദൻ മാസ്റ്ററും, പാലക്കാട് കോട്ടമൈതാനിയിൽ നടന്ന പരിപാടിയിൽ എ.വിജയരാഘവനും, കോട്ടയം തിരുനക്കര മൈതാനത്ത് നടന്ന പരിപാടി ഡി.വൈ.എഫ്.ഐ അഖിലേന്ത്യാ പ്രസിഡന്റ് എം.ബി.രാജേഷ് എം.പിയും ഉദ്ഘാടനം ചെയ്തു. പത്തനംതിട്ടയിൽ ടി.വി.രാജേഷ് എം.എൽ.എയും, ഇടുക്കിയിൽ ഡി.വൈ.എഫ്.ഐ സംസ്ഥാന പ്രസിഡന്റ് എ.എൻ.ഷംസീർ എം.എൽ.എയും വയനാട് കൽപറ്റയിൽ നടന്ന പരിപാടി ഡി.വൈ.എഫ്.ഐ അഖിലേന്ത്യാ ജോയിന്റ് സെക്രട്ടറി പി.എ.മുഹമ്മദ് റിയാസും ഉദ്ഘാടനം ചെയ്തു. ഡി.വൈ.എഫ്.ഐ സംസ്ഥാന സെക്രട്ടറി എം.സ്വരാജ് എം.എൽ.എ എറണാകുളത്തും, സംസ്ഥാന ട്രഷറർ പി.ബിജു തിരുവനന്തപുരത്തും, ഡി.വൈ.എഫ്.ഐ കേന്ദ്ര എക്‌സിക്യൂട്ടീവ് അംഗം കെ.എസ്.സുനിൽകുമാർ പാലക്കാടും, ഡി.വൈ.എഫ്.ഐ കേന്ദ്രകമ്മിറ്റിയംഗങ്ങളായ പി.പി.ദിവ്യ മലപ്പുറത്തും, ടി.വി.അനിത ആലപ്പുഴയിലും, സംസ്ഥാന വൈസ് പ്രസിഡന്റ് വി.പി.റജീന തൃശ്ശൂരും പങ്കെടുത്തു. യുവസാഗരത്തിൽ അണിനിരന്ന മുഴുവൻ യുവജനങ്ങളെയും സംസ്ഥാന സെക്രട്ടറിയേറ്റ് അഭിവാദ്യം ചെയ്തു.

13.08.2016

‘വിടപറയുക വർഗ്ഗീയതയോട്, അണിനിരക്കുക മതനിരപേക്ഷതയ്‌ക്കൊപ്പം’ എന്ന മുദ്രാവാക്യമുയർത്തി ആഗസ്റ്റ് 15 സ്വാതന്ത്ര്യദിനത്തിൽ ഡി.വൈ.എഫ്.ഐ ജില്ലാകേന്ദ്രങ്ങളിൽ യുവസാഗരം സംഘടിപ്പിക്കും. യുവസാഗരത്തിന്റെ സന്ദേശമുയർത്തികൊണ്ട് സംസ്ഥാനകമ്മിറ്റിയംഗങ്ങൾ നേതൃത്വം കൊടുത്ത് എല്ലാ ബ്ലോക്കുതലത്തിലും കാൽനടപ്രചരണജാഥകളും കൂടാതെ വർഗീയതയ്‌ക്കെതിരായി സെമിനാറുകൾ, ചിത്ര പ്രദർശനം, സാംസ്‌കാരിക കൂട്ടായ്മകൾ, ഫ്‌ലാഷ്‌മോബ് തുടങ്ങി വിവിധ ജില്ലകളിൽ വെത്യസ്തങ്ങളായ പരിപാടികൾ സംഘടിപ്പിച്ചു. കേന്ദ്രത്തിൽ ബിജെപി അധികാരത്തിൽ വന്ന് രണ്ട് വർഷം പൂർത്തിയായിരിക്കുകയാണ്. രാജ്യത്ത് വർഗ്ഗീയ കലാപങ്ങൾ എന്നുമില്ലാത്തവിധം വർദ്ധിക്കുകയാണ്. ഈ വർഷം ആദ്യ 5 മാസത്തിനിടയിൽ 208 വർഗ്ഗീയ കലാപങ്ങൾ നടന്നിട്ടുള്ളതായാണ് കണക്കുകൾ പറയുന്നത്. അങ്ങേയറ്റം ദളിത്- ന്യൂനപക്ഷ വിരുദ്ധ സമീപനങ്ങളുമായാണ് ബിജെപി സർക്കാർ മുന്നോട്ടു പോകുന്നത്. ഗുജറാത്തിൽ ചത്ത പശുവിന്റെ തോൽ ഉരിഞ്ഞെന്നു പറഞ്ഞ് ദളിത് വിഭാഗത്തിൽപെട്ട യുവാക്കളെ മർദ്ധിച്ച സംഭവവും തുടർന്ന് ഉണ്ടായ പ്രക്ഷോഭവും ഗുജറാത്ത് മുഖ്യമന്ത്രിയുടെ രാജിവയ്ക്കലുമെല്ലാം രാജ്യത്തിന്റെ അരക്ഷിതമായ അവസ്ഥ തുറന്നുകാണിക്കുന്നതാണ്. ഐ.എസ് ഉൾപ്പെടെയുള്ള ആഗോളഭീകര സംഘടനകൾ ഇന്ത്യയിലും പ്രവർത്തനം നടത്തുകയാണ്. കേരളത്തിൽനിന്ന് ഐ.എസിലേക്ക് ചേരാൻ ചെറുപ്പക്കാർ പോയി എന്ന വാർത്ത കേരളീയരെയാകെ ഭീതിയിലാഴ്ത്തിയ സംഭവമാണ്. സാംസ്‌കാരിക സമന്വയത്തിന്റെയും മതേതരത്വത്തിന്റെയും ഊഷ്മളമായ ഇന്ത്യൻ മാതൃകയാണ് കേരളം. നഷ്ടപ്പെടുന്ന പുരോഗമനമൂല്യങ്ങളെ നമുക്ക് വീണ്ടെടുക്കണം.
ആഗസ്റ്റ് 15ന് തിരുവനന്തപുരം ശംഖുംമുഖത്ത് നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. തൃശ്ശൂർ തേക്കുംകാട് മൈതാനത്തു നടക്കുന്ന പരിപാടി കോടിയേരി ബാലകൃഷ്ണനും, കോഴിക്കോട് നടക്കുന്ന പരിപാടി എം.എ.ബേബിയും, കണ്ണൂരിൽ വൃന്ദാകാരാട്ടും, കൊല്ലത്ത് വി.എസ്.അച്യുതാനന്ദനും ഉദ്ഘാടനം ചെയ്യും. ആലപ്പുഴ ഇ.എം.എസ് സ്റ്റേഡിയത്തിൽ നടക്കുന്ന പരിപാടി മന്ത്രി ജി.സുധാകരനും, എറണാകുളത്ത് മന്ത്രി ഇ.പി.ജയരാജനും, മലപ്പുറം കോട്ടക്കുന്നിൽ നടക്കുന്ന പരിപാടി മന്ത്രി കെ.ടി.ജലീലും, കാസർകോട് എം.വി.ഗോവിന്ദൻ മാസ്റ്ററും, പാലക്കാട് കോട്ടമൈതാനിയിൽ നടക്കുന്ന പരിപാടിയിൽ എ.വിജയരാഘവനും, കോട്ടയം തിരുനക്കര മൈതാനത്ത് നടക്കുന്ന പരിപാടി ഡി.വൈ.എഫ്.ഐ അഖിലേന്ത്യാ പ്രസിഡന്റ് എം.ബി.രാജേഷ് എം.പിയും ഉദ്ഘാടനം ചെയ്യും. പത്തനംതിട്ടയിൽ ടി.വി.രാജേഷ് എം.എൽ.എയും, ഇടുക്കിയിൽ ഡി.വൈ.എഫ്.ഐ സംസ്ഥാന പ്രസിഡന്റ് എ.എൻ.ഷംസീർ എം.എൽ.എയും വയനാട് കൽപറ്റയിൽ നടക്കുന്ന പരിപാടി ഡി.വൈ.എഫ്.ഐ അഖിലേന്ത്യാ ജോയിന്റ് സെക്രട്ടറി പി.എ.മുഹമ്മദ് റിയാസും ഉദ്ഘാടനം ചെയ്യും. ഡി.വൈ.എഫ്.ഐ സംസ്ഥാന സെക്രട്ടറി എം.സ്വരാജ് എം.എൽ.എ എറണാകുളത്തും, സംസ്ഥാന ട്രഷറർ പി.ബിജു തിരുവനന്തപുരത്തും, ഡി.വൈ.എഫ്.ഐ കേന്ദ്ര എക്‌സിക്യൂട്ടീവ് അംഗം കെ.എസ്.സുനിൽകുമാർ പാലക്കാടും, ഡി.വൈ.എഫ്.ഐ കേന്ദ്രകമ്മിറ്റിയംഗങ്ങളായ പി.പി.ദിവ്യ മലപ്പുറത്തും, ടി.വി.അനിത ആലപ്പുഴയിലും, സംസ്ഥാന വൈസ് പ്രസിഡന്റ് വി.പി.റജീന തൃശ്ശൂരും പങ്കെടുക്കും. യുവസാഗരത്തിൽ അണിനിരക്കാൻ മുഴുവൻ യുവജനങ്ങളോടും സംസ്ഥാന സെക്രട്ടറിയേറ്റ് അഭ്യർത്ഥിച്ചു.

06.08.2016

‘വിടപറയുക വർഗ്ഗീയതയോട്, അണിനിരക്കുക മതനിരപേക്ഷതയ്‌ക്കൊപ്പം’ എന്ന മുദ്രാവാക്യമുയർത്തി ആഗസ്റ്റ് 15 സ്വാതന്ത്ര്യദിനത്തിൽ ഡി.വൈ.എഫ്.ഐ ജില്ലാകേന്ദ്രങ്ങളിൽ യുവസാഗരം സംഘടിപ്പിക്കും. യുവസാഗരത്തിന്റെ ഭാഗമായി സംസ്ഥാനകമ്മിറ്റിയംഗങ്ങൾ നേതൃത്വം കൊടുക്കുന്ന ബ്ലോക്കുതല കാൽനടപ്രചരണജാഥകൾ ആഗസ്റ്റ് ആദ്യവാരത്തോടെ പൂർത്തിയാകും. കാൽനടപ്രചരണജാഥകൾക്ക് വമ്പിച്ച വരവേൽപ്പാണ് സംസ്ഥാനത്തുടനീളം ലഭിക്കുന്നത്. കേന്ദ്രത്തിൽ ബിജെപി അധികാരത്തിൽ വന്ന് രണ്ട് വർഷം പൂർത്തിയായിരിക്കുകയാണ്. രാജ്യത്ത് വർഗ്ഗീയ കലാപങ്ങൾ എന്നുമില്ലാത്തവിധം വർദ്ധിക്കുകയാണ്. ഈ വർഷം ആദ്യ 5 മാസത്തിനിടയിൽ 208 വർഗ്ഗീയ കലാപങ്ങൾ നടന്നിട്ടുള്ളതായാണ് കണക്കുകൾ പറയുന്നത്. അങ്ങേയറ്റം ദളിത്- ന്യൂനപക്ഷ വിരുദ്ധ സമീപനങ്ങളുമായാണ് ബിജെപി സർക്കാർ മുന്നോട്ടു പോകുന്നത്. ഗുജറാത്തിൽ ചത്ത പശുവിന്റെ തോൽ ഉരിഞ്ഞെന്നു പറഞ്ഞ് ദളിത് വിഭാഗത്തിൽപെട്ട യുവാക്കളെ മർദ്ധിച്ച സംഭവവും തുടർന്ന് ഉണ്ടായ പ്രക്ഷോഭവും ഗുജറാത്ത് മുഖ്യമന്ത്രിയുടെ രാജിവയ്ക്കലുമെല്ലാം രാജ്യത്തിന്റെ അരക്ഷിതമായ അവസ്ഥ തുറന്നുകാണിക്കുന്നതാണ്. ഐ.എസ് ഉൾപ്പെടെയുള്ള ആഗോളഭീകര സംഘടനകൾ ഇന്ത്യയിലും പ്രവർത്തനം നടത്തുകയാണ്. കേരളത്തിൽനിന്ന് ഐ.എസിലേക്ക് ചേരാൻ ചെറുപ്പക്കാർ പോയി എന്ന വാർത്ത കേരളീയരെയാകെ ഭീതിയിലാഴ്ത്തിയ സംഭവമാണ്. സാംസ്‌കാരിക സമന്വയത്തിന്റെയും മതേതരത്വത്തിന്റെയും ഊഷ്മളമായ ഇന്ത്യൻ മാതൃകയാണ് കേരളം. നഷ്ടപ്പെടുന്ന പുരോഗമനമൂല്യങ്ങളെ നമുക്ക് വീണ്ടെടുക്കണം. ‘വിടപറയുക വർഗ്ഗീയതയോട്, അണിനിരക്കുക മതനിരപേക്ഷതയ്‌ക്കൊപ്പം’ എന്ന മുദ്രാവാക്യമുയർത്തി സംഘടിപ്പിക്കുന്ന യുവസാഗരത്തിൽ അണിചേരാൻ കേരളത്തിലെ മുഴുവൻ യുവജനങ്ങളോടും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് അഭ്യർത്ഥിച്ചു.

ആഗസ്റ്റ് 15ന് തിരുവനന്തപുരം ശംഖുംമുഖത്ത് നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. തൃശ്ശൂർ തേക്കുംകാട് മൈതാനത്തു നടക്കുന്ന പരിപാടി കോടിയേരി ബാലകൃഷ്ണനും, കോഴിക്കോട് നടക്കുന്ന പരിപാടി എം.എ.ബേബിയും, കണ്ണൂരിൽ വൃന്ദാകാരാട്ടും, കൊല്ലത്ത് വി.എസ്.അച്യുതാനന്ദനും ഉദ്ഘാടനം ചെയ്യും. ആലപ്പുഴ ഇ.എം.എസ് സ്റ്റേഡിയത്തിൽ നടക്കുന്ന പരിപാടി മന്ത്രി ജി.സുധാകരനും, എറണാകുളത്ത് മന്ത്രി ഇ.പി.ജയരാജനും, കാസർകോട് എം.വി.ഗോവിന്ദൻ മാസ്റ്ററും, കോട്ടയം തിരുനക്കര മൈതാനത്ത് നടക്കുന്ന പരിപാടി ഡി.വൈ.എഫ്.ഐ അഖിലേന്ത്യാ പ്രസിഡന്റ് എം.ബി.രാജേഷ് എം.പിയും, മലപ്പുറം കോട്ടക്കുന്നിൽ നടക്കുന്ന പരിപാടി ഡി.വൈ.എഫ്.ഐ അഖിലേന്ത്യാ സെക്രട്ടറി അവോയ്മുഖർജിയും, പത്തനംതിട്ടയിൽ ടി.വി.രാജേഷ് എം.എൽ.എയും, ഇടുക്കിയിൽ ഡി.വൈ.എഫ്.ഐ സംസ്ഥാന പ്രസിഡന്റ് എ.എൻ.ഷംസീർ എം.എൽ.എയും, പാലക്കാട് കോട്ടമൈതാനിയിൽ നടക്കുന്ന പരിപാടിയിൽ മുഹമ്മദ് യൂസഫ് തരിഗാമിയും, വയനാട് കൽപറ്റയിൽ നടക്കുന്ന പരിപാടി ഡി.വൈ.എഫ്.ഐ അഖിലേന്ത്യാ ജോയിന്റ് സെക്രട്ടറി പി.എ.മുഹമ്മദ് റിയാസും ഉദ്ഘാടനം ചെയ്യും. ഡി.വൈ.എഫ്.ഐ സംസ്ഥാന സെക്രട്ടറി എം.സ്വരാജ് എം.എൽ.എ എറണാകുളത്തും, സംസ്ഥാന ട്രഷറർ പി.ബിജു തിരുവനന്തപുരത്തും, ഡി.വൈ.എഫ്.ഐ കേന്ദ്ര എക്‌സിക്യൂട്ടീവ് അംഗം കെ.എസ്.സുനിൽകുമാർ പാലക്കാടും, ഡി.വൈ.എഫ്.ഐ കേന്ദ്രകമ്മിറ്റിയംഗങ്ങളായ പി.പി.ദിവ്യ മലപ്പുറത്തും, ടി.വി.അനിത ആലപ്പുഴയിലും, സംസ്ഥാന വൈസ് പ്രസിഡന്റ് വി.പി.റജീന തൃശ്ശൂരും പങ്കെടുക്കും.
August 15